ప్రభాస్‌కి బాలీవుడ్ బంపర్ ఆఫర్

బాహుబ‌లితో ప్ర‌భాస్ జాత‌కం మారింద‌ని తెలుసు. కానీ మ‌రీ ఇంత‌లా ట‌ర్న్ అవుతుంద‌నీ ఆయ‌న కూడా ఊహించి ఉండ‌డు. బాహుబ‌లి సినిమాతో వ‌చ్చిన క్రేజ్‌తో ప్ర‌భాస్ పేరు దేశ‌వ్యాప్తంగా మార్మోగిపోతోంది. తాజాగా అందుతున్న స‌మాచారం ప్ర‌కారం బాహుబ‌లి 2 త‌ర్వాత బాలీవుడ్ సినిమాల వైపు ప్ర‌భాస్ దృష్టి పెడ‌తాడ‌నే వార్త‌లొస్తున్నాయి. బాహుబలి సినిమాతో బాలీవుడ్ లో బాగానే పరిచయాలు పెంచుకున్నాడు ప్రభాస్. ఆ పరిచయాలతో ఇప్పుడో అద్భుతమైన ఆఫర్ అందిపుచ్చుకోబోతున్నాడు.

హిందీలో సూపర్ హిట్ సిరీస్ గా పేరుతెచ్చుకున్న ధూమ్ సిరీస్ లో ప్రభాస్ నటించే అవకాశాలు పుష్కలంగా ఉన్నాయి. ఈ సినిమాలో చిన్న విలన్‌గా నటించమంటూ ప్రభాస్ కు ఆఫర్ వచ్చింది. నిజానికి ధూమ్ సిరీస్ లో విలన్ కే ప్రాధాన్యం ఎక్కువ. మొదట జాన్ అబ్రహాం విలన్ గా చేశాడు. తర్వాత హృతిక్ రోషన్ విలన్ అయ్యాడు. ఈమధ్యే ధూమ్-3లో అమీర్ ఖాన్ కూడా విలన్ గా నటించాడు. ఇప్పుడు ధూమ్-4లో ప్రభాస్ కు అలా విలన్ గా నటించే ఆఫర్ వచ్చింది. అయితే మెయిన్ విలన్ గా హృతిక్ రోషన్ ఉంటాడు. ఓ ఛోటా విలన్ గా ప్రభాస్ కనిపిస్తాడన్నమాట. ప్రస్తుతం బాహుబలి-2 షూటింగ్ లో బిజీగా ఉన్న ప్రభాస్…. ఈ ఆఫర్ పై ఇంకా ఎలాంటి నిర్ణయం తీసుకోలేదని చెబుతున్నారు.